ਖਾੜਕੂ ਸੰਘਰਸ਼ ਦੀਆਂ ਸ਼ਹੀਦ ਬੀਬੀਆਂ ਦੀ ਗਾਥਾ ਕਿਤਾਬ ‘ਕੌਰਨਾਮਾ-2’ ਸ਼ਹੀਦ ਜਰਨਲ ਭਾਈ ਲਾਭ ਸਿੰਘ ਪੰਜਵੜ੍ਹ ਦੀ ਬਰਸੀ ਮੌਕੇ ਗੁਰਦੁਆਰਾ ਸਾਹਿਬ ਸ਼ਹੀਦ ਸਿੰਘਾਂ ਵਿਖੇ ਅੱਜ ਜਾਰੀ ਕੀਤੀ ਗਈ।
ਇਸ ਕਿਤਾਬ ਵਿੱਚ ਤੀਜੇ ਘੱਲੂਘਾਰੇ ਦੌਰਾਨ ਸ਼ਹੀਦ ਸਿੰਘਣੀਆਂ ਦੀਆਂ ਸਾਖ਼ੀਆਂ ਨੂੰ ਤਿੰਨਾਂ ਭਾਗਾਂ ਵਿੱਚ , ਵੰਡਿਆ ਹੋਇਆ ਹੈ। ਪਹਿਲੇ ਹਿੱਸੇ ਵਿੱਚ ਸ਼ਹੀਦ ਖਾੜਕੂ ਬੀਬੀਆਂ, ਦੂਜੇ ਹਿੱਸੇ ਵਿੱਚ ਖਾੜਕੂ ਲਹਿਰ ਦੀਆਂ ਹਿਮਾਇਤੀ ਜਾਂ ਖਾੜਕੂਆਂ ਦੇ ਪਰਿਵਾਰਾਂ ਦੀਆਂ ਸ਼ਹੀਦ ਬੀਬੀਆਂ ਤੇ ਤੀਜੇ ਹਿੱਸੇ ਵਿੱਚ ਸ਼ਹੀਦ ਕੀਤੀਆਂ ਗਈਆਂ ਘਰੇਲੂ ਬੀਬੀਆਂ ਜੋ ਕੇਵਲ ਸਿੱਖ ਹੋਣ ਕਾਰਣ ਹੀ ਮੌਤ ਦੇ ਘਾਟ ਉਤਾਰ ਦਿੱਤੀਆਂ ਗਈਆਂ ਦੀਆਂ ਸਾਖੀਆਂ ਦਰਜ ਹਨ।
ਇਹ ਕਿਤਾਬ ਸ਼ਹੀਦ ਭਾਈ ਜਰਨਲ ਲਾਭ ਸਿੰਘ ਦੀ ਬਰਸੀ ਮੌਕੇ ਸ਼ਹੀਦ ਪਰਿਵਾਰਾਂ ਦੀਆਂ ਬੀਬੀਆਂ ਅਤੇ ਪੰਥਕ ਸ਼ਖਸ਼ੀਅਤਾਂ ਵੱਲੋਂ ਜਾਰੀ ਕੀਤੀ ਗਈ। ਕੌਰਨਾਮਾ ਕਿਤਾਬ ਦਾ ਪਹਿਲਾ ਭਾਗ ਪਿਛਲੇ ਵਰ੍ਹੇ ਸ਼ਹੀਦ ਭਾਈ ਪਰਮਜੀਤ ਸਿੰਘ ਪੰਜਵੜ ਦੀ ਬਰਸੀ ਮੌਕੇ ਜਾਰੀ ਕੀਤੀ ਗਈ ਸੀ। ਇਹ ਉਸ ਕੜੀ ਦੀ ਅਗਲੀ ਕਿਤਾਬ ਹੈ।
