ਲੰਡਨ: ਬਰਤਾਨੀਆਂ ਦੀ ਸੰਸਦ ‘ਚ ਸਿੱਖਾਂ ਵਿਰੁੱਧ ਨਸਲੀ ਅਤੇ ਨਫਰਤੀ ਹਮਲਿਆਂ ਨੂੰ ਲੈ ਕੇ ‘ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ ਗੁਰੂ ਸਿੱਖਸ ਅਤੇ ਸਿੱਖ ਫੈਡਰੇਸ਼ਨ ਯੂਕੇ’ ਵਲੋਂ 1984 ਦੀ ਨਸਲਕੁਸ਼ੀ ਨੂੰ ਸਮਰਪਿਤ ਸਮਾਗਮ ‘ਚ ਵੈਸਟ ਮਿਡਲੈਂਡ ‘ਚ ਦੋ ਪੰਜਾਬੀ ਔਰਤਾਂ ‘ਤੇ ਹੋਏ ਨਫਰਤੀ ਅਤੇ ਜਬਰ ਜਨਾਹ ਵਰਗੇ ਹਮਲਿਆਂ ਦੀ ਕਰੜੀ ਨਿੰਦਾ ਕੀਤੀ ਗਈ। ਐਮ.ਪੀ. ਜਸਬੀਰ ਸਿੰਘ ਅਠਵਾਲ ਚੇਅਰਮੈਨ ਆਲ ਪਾਰਟੀ ਪਾਰਲੀਮੈਂਟਰੀ ਗਰੁੱਪ ਫਾਰ ਸਿੱਖਸ, ਤੀਰਥ ਕੌਰ ਲਿਬਰਲ ਡੈਮੋਕ੍ਰੇਟਿਕ ਦੀ ਐਮ.ਪੀ ਮੈਰੀ ਗੋਲਡਮੈਨ, ਐਮ.ਪੀ. ਸ਼ੁਰੀਨਾ ਬੈਕਨਰਿਜ, ਘੱਟ ਗਿਣਤੀ ਗਰੁੱਪ ਵਲੋਂ ਸ਼ਰੇਸ਼ ਗਰੋਵਰ, ਸ਼ੈਡ ਵਿਦੇਸ਼ ਰਾਜ ਮੰਤਰੀ ਐਮ.ਪੀ. ਵੈਂਡੀ ਮੋਰਟਨ ਮਾਈਕ, ਐਮ.ਪੀ.
ਮਾਈਕ ਵੁੱਡ, ਸਿੱਖ ਫੈਡਰੇਸ਼ਨ ਦੇ ਜਸ ਸਿੰਘ, ਐਮ.ਪੀ. ਸ਼ੌਕਤ ਐਡਮ, ਦਬਿੰਦਰਜੀਤ ਸਿੰਘ ਓ ਬੀ ਈ, ਸਰਬਜੀਤ ਕੌਰ, ਐਮ. ਪੀ. ਪ੍ਰੀਤ ਕੌਰ ਗਿੱਲ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਦਾ ਨਫਰਤੀ ਵਤੀਰਾ ਪਹਿਲਾਂ ਕਦੇ ਨਹੀਂ ਦੇਖਿਆ ਸੀ। ਉਨ੍ਹਾਂ ਕਿਹਾ ਕਿ ਅਸੀਂ ਬਰਤਾਨੀਆਂ ਨੂੰ ਅਮਰੀਕਾ ਨਹੀਂ ਬਣਨ ਦੇਵਾਂਗੇ। ਵਿਸ਼ਵ ਯੁੱਧਾਂ ‘ਚ ਸਿੱਖਾਂ ਦੇ ਪਾਏ ਯੋਗਦਾਨ ਦੀ ਸ਼ਲਾਘਾ ਕਰਦਿਆਂ ਜੱਗੀ ਜੌਹਲ ਦੀ ਰਿਹਾਈ ਦਾ ਮਾਮਲਾ ਵੀ ਉਠਾਇਆ। ਇਸ ਮੌਕੇ ਐਮ.ਪੀ. ਡਾ: ਲੌਰੇਨ ਸੁਲੀਵਾਨ, ਐਮ.ਪੀ. ਮੈਟ ਵੈਸਟਰਨ, ਐਮ.ਪੀ. ਗਗਨ ਮੋਹਿੰਦਰਾ ਆਦਿ ਤੋਂ ਇਲਾਵਾ ਭਾਈ ਅਮਰੀਕ ਸਿੰਘ ਗਿੱਲ, ਗੁਰਪ੍ਰਤਾਪ ਸਿੰਘ ਢਿੱਲੋਂ, ਹਰਨੇਕ ਸਿੰਘ, ਮਨਕਮਲ ਸਿੰਘ ਆਦਿ ਹਾਜ਼ਰ ਸਨ।
