ਸਿੱਖ ਜਗਤ ਦੇ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਦੁਨੀਆ ਦਾ ਸਭ ਤੋਂ ਉੱਚਾ ਨਿਸ਼ਾਨ ਸਾਹਿਬ ਪੰਜਾਬ ਦੇ ਨਕੋਦਰ (ਜਲੰਧਰ) ਵਿਖੇ ਸਥਿਤ ਗੁਰੂਦੁਆਰਾ ਬੁਲੰਦਪੁਰੀ ਸਾਹਿਬ ਵਿੱਚ ਸਥਾਪਿਤ ਹੈ। ਅੱਜ, ਇਸ ਨਿਸ਼ਾਨ ਸਾਹਿਬ ਦੇ ਚੋਲੇ ਦੀ ਬਦਲੀ ਦੀ ਸੇਵਾ ਸੰਪੂਰਨ ਕੀਤੀ ਜਾਵੇਗੀ।
ਨਿਸ਼ਾਨ ਸਾਹਿਬ ਬਾਰੇ ਮਹੱਤਵਪੂਰਨ ਜਾਣਕਾਰੀ:
-ਸਥਾਪਨਾ: 24 ਫਰਵਰੀ 2016, ਸ੍ਰੀ ਅਨੰਦਪੁਰ ਸਾਹਿਬ ਤੋਂ ਆਏ ਪੰਜ ਪਿਆਰੇ ਸਾਹਿਬਾਨ ਦੀ ਅਗਵਾਈ ਵਿੱਚ ਚੜ੍ਹਾਇਆ ਗਿਆ।
– ਅਰਦਾਸ: ਸ੍ਰੀ ਹਰਿਮੰਦਰ ਸਾਹਿਬ (ਸ੍ਰੀ ਅੰਮ੍ਰਿਤਸਰ ਸਾਹਿਬ) ਤੋਂ ਪਹੁੰਚੇ ਸਿੰਘ ਸਾਹਿਬ ਜੀ ਨੇ ਕੀਤੀ।
– ਡਿਜ਼ਾਈਨ: ਬੀ.ਸੀ. (ਕੈਨੇਡਾ) ਦੇ ਇੰਜੀਨੀਅਰਾਂ ਵੱਲੋਂ ਤਿਆਰ।
– ਤਿਆਰੀ: ਨਿਸ਼ਾਨ ਸਾਹਿਬ ਚੀਨ ਵਿੱਚ ਬਣਾਇਆ ਗਿਆ ਅਤੇ ਸਮੁੰਦਰੀ ਜਹਾਜ਼ ਰਾਹੀਂ ਇੱਥੇ ਪਹੁੰਚਿਆ।
– ਸਥਾਪਨਾ ਦੀ ਸੇਵਾ: ਪੰਜਾਬ, ਦਿੱਲੀ ਅਤੇ ਕੈਨੇਡਾ ਦੇ ਇੰਜੀਨੀਅਰਾਂ ਦੀ ਟੀਮ ਨੇ ਨਿਭਾਈ।
– ਕੁੱਲ ਸਮਾਂ: ਇਹ ਪੂਰਾ ਪ੍ਰੋਜੈਕਟ ਲੱਗਭਗ ਡੇਢ ਸਾਲ ਵਿੱਚ ਪੂਰਾ ਹੋਇਆ।
ਨਿਸ਼ਾਨ ਸਾਹਿਬ ਦੀ ਵਿਸ਼ੇਸ਼ਤਾਵਾਂ:
– ਉਚਾਈ: 255 ਫੁੱਟ
– ਭਾਰ: 21,021 ਕਿੱਲੋ (21 ਟਨ 21 ਕਿੱਲੋ)
– ਚੋਲਾ ਸਾਹਿਬ ਲਈ ਕੱਪੜਾ: 450 ਮੀਟਰ
– ਉਪਰ ਲੱਗੇ ਖੰਡਾ ਸਾਹਿਬ ਦੀ ਉਚਾਈ: 113 ਇੰਚ
– ਖੰਡਾ ਸਾਹਿਬ ਦਾ ਭਾਰ: 61 ਕਿੱਲੋ
ਇਸ ਇਤਿਹਾਸਕ ਨਿਸ਼ਾਨ ਸਾਹਿਬ ਦੀ ਸੰਭਾਲ ਅਤੇ ਨਵੀਨੀਕਰਨ ਦੀ ਸੇਵਾ ਸਿੱਖ ਰਵਾਇਤਾਂ ਅਨੁਸਾਰ ਕੀਤੀ ਜਾ ਰਹੀ ਹੈ, ਜੋ ਕਿ ਸੰਗਤ ਲਈ ਵਿਸ਼ੇਸ਼ ਮਹੱਤਵ ਰੱਖਦੀ ਹੈ।
