ਸਤਲੁਜ, ਬਿਆਸ,ਰਾਵੀ ਨੇ ਲਹਿੰਦੇ ਪੰਜਾਬ ‘ਚ ਵੀ ਬਹੁਤ ਨੁਕਸਾਨ ਕੀਤਾ ਹੈ। ਝਨਾਬ ਨੇ ਲਹਿੰਦੇ ਪੰਜਾਬ ਨੂੰ ਹਿਲਾ ਕੇ ਰੱਖਿਆ ਹੋਇਆ ਹੈ। ਕਰੀਬ ਕਰੀਬ ਪੰਦਰਾਂ ਲੱਖ ਲੋਕ ਪ੍ਰਭਾਵਿਤ ਹੋਏ ਹਨ ।
ਸਿਆਲਕੋਟ ਦੇ ਸਾਂਬਾਰੀਆਲ ਖੇਤਰ ਵਿੱਚ, ਇੱਕੋ ਪਰਿਵਾਰ ਦੇ ਪੰਜ ਮੈਂਬਰਾਂ ਦੀ ਮੌਤ ਹੋ ਗਈ। ਗੁਜਰਾਂਵਾਲਾ ‘ਚ 15 , ਗੁਜਰਾਤ ਚ ਚਾਰ, ਨਾਰੋਵਾਲ ਤਿੰਨ ਅਤੇ ਹਾਫਿਜ਼ਾਬਾਦ ‘ਚ ਦੋ ਮੌਤਾਂ ਦੀ ਪੁਸ਼ਟੀ ਹੋਈ ਹੈ।
ਹੜ੍ਹਾਂ ਦੇ ਪਾਣੀ ਨੇ ਕਸੂਰ, ਨਾਰੋਵਾਲ ਅਤੇ ਪਿੰਡੀ ਭੱਟੀਆਂ ਵਿੱਚ ਸੈਂਕੜੇ ਪਿੰਡ ਡੁੱਬ ਗਏ ਹਨ, ਜਿਸ ਨਾਲ ਹਜ਼ਾਰਾਂ ਵਸਨੀਕ ਬੇਘਰ ਹੋ ਗਏ ਹਨ । ਚਿਨਿਓਟ ਅਤੇ ਵਜ਼ੀਰਾਬਾਦ ਵਿੱਚ, ਚਨਾਬ ਨਦੀ ਦੇ ਹੜ੍ਹ ਦੇ ਪਾਣੀ ਨੇ ਦਰਜਨਾਂ ਪਿੰਡਾਂ ਨੂੰ ਡੋਬ ਦਿੱਤਾ।
ਚਨਾਬ, ਰਾਵੀ ਅਤੇ ਸਤਲੁਜ ਦਰਿਆਵਾਂ ਦਾ ਸੰਯੁਕਤ ਵਹਾਅ ਮੁਲਤਾਨ ਅਤੇ ਮੁਜ਼ੱਫਰਗੜ੍ਹ ਸਮੇਤ ਹੇਠਲੇ ਇਲਾਕਿਆਂ ਲਈ ਗੰਭੀਰ ਖ਼ਤਰਾ ਪੈਦਾ ਕਰ ਰਿਹਾ ਹੈ। ਤਿੰਨਾਂ ਦਰਿਆਵਾਂ ਦਾ ਵਹਾਅ ਹੁਣ ਪੰਜਾਬ ਦੇ ਅੱਧ ਵਿਚਕਾਰ ਹੈ।
ਝੰਗ, ਹਾਫਿਜ਼ਾਬਾਦ, ਸ਼ੇਖੂਪੁਰਾ, ਨਨਕਾਣਾ ਸਾਹਿਬ ਅਤੇ ਕਸੂਰ ਵਿੱਚ ਮਹੱਤਵਪੂਰਨ ਬੈਰਾਜਾਂ, ਪੁਲਾਂ ਅਤੇ ਪ੍ਰਮੁੱਖ ਸ਼ਹਿਰੀ ਕੇਂਦਰਾਂ ਨੂੰ ਬਚਾਉਣ ਲਈ ਹਜ਼ਾਰਾਂ ਏਕੜ ਜ਼ਮੀਨ ਦੀ ਕੁਰਬਾਨੀ ਦੇਣ ਲਈ ਕਾਇਦਰਬਾਦ ਬੰਨ ਨੂੰ ਫੌਜ ਨੇ ਧਮਾਕਾ ਕਰਕੇ ਉਡਾ ਦਿੱਤਾ। ਕਿਉਕਿ ਇਹ ਪਾਣੀ ਪਾਕਿਸਤਾਨ ਦੇ ਦੱਖਣ ਨੂੰ ਨੁਕਸਾਨ ਕਰ ਰਿਹਾ ਸੀ।
ਵਾਹਿਗੁਰੂ ਸੁੱਖ ਰੱਖੇ ਬਹੁਤ ਸਾਰੇ ਪੰਜਾਬੀ ਜੁਬਾਨ ਵਾਲੇ ਇਸ ਵੇਲੇ ਖਤਰੇ ‘ਚ ਹਨ । ਕੁਦਰਤ ਨੇ ਇਨਸਾਨ,ਸਮੇਤ ਪਸ਼ੂ ,ਪੰਛੀ ਸਾਰੀਆਂ ਪ੍ਰਜਾਤੀਆਂ ਖਤਰੇ ਚ ਪਾ ਕੇ ਰੱਖ ਦਿੱਤੀਆਂ ਹਨ।
~ ਅਵਤਾਰ ਸਿੰਘ ਆਨੰਦ
ਮੋਬਾਈਲ: 9877092505
