1992 ਦੇ ਵਿਵਾਦਿਤ ਝੂਠੇ ਪੁਲਿਸ ਮੁਕਾਬਲੇ ਦੇ ਮਾਮਲੇ ਵਿੱਚ ਮੋਹਾਲੀ ਦੀ CBI ਅਦਾਲਤ ਨੇ ਮਜੀਠਾ ਥਾਣੇ ਦੇ ਦੋ ਸਾਬਕਾ ਥਾਣੇਦਾਰਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਹੈ। ਅਦਾਲਤ 4 ਫਰਵਰੀ ਨੂੰ ਉਨ੍ਹਾਂ ਦੀ ਸਜ਼ਾ ਸੁਣਾਏਗੀ।
ਇਹ ਮਾਮਲਾ 16 ਸਾਲਾ ਲਖਵਿੰਦਰ ਸਿੰਘ, ਨਿਵਾਸੀ ਸੁਲਤਾਨਵਿੰਡ ਅਤੇ ਪਿੰਡ ਭੈਣੀ ਬਾਸਰਕੇ (ਅੰਮ੍ਰਿਤਸਰ) ਦੇ ਫੌਜੀ ਜਵਾਨ ਬਲਦੇਵ ਸਿੰਘ ਦੇ ਝੂਠੇ ਐਨਕਾਊਂਟਰ ਨਾਲ ਜੁੜਿਆ ਹੈ। ਦੋਵੇਂ ਨੌਜਵਾਨਾਂ ਨੂੰ 1992 ਵਿੱਚ ਪੁਲਿਸ ਨੇ ਝੂਠੇ ਮੁਕਾਬਲੇ ਵਿੱਚ ਮਾਰ ਦਿੱਤਾ ਸੀ।
CBI ਦੀ ਜਾਂਚ ਦੌਰਾਨ ਇਹ ਸਾਹਮਣੇ ਆਇਆ ਕਿ ਇਹ ਐਨਕਾਊਂਟਰ ਗੈਰ ਕਾਨੂੰਨੀ ਢੰਗ ਨਾਲ ਰਚਾਇਆ ਗਿਆ ਸੀ। ਲੰਬੇ ਸਮੇਂ ਤੋਂ ਚੱਲ ਰਹੀ ਕਾਨੂੰਨੀ ਕਾਰਵਾਈ ਦੇ ਬਾਅਦ ਹੁਣ ਅਦਾਲਤ ਨੇ ਇਸ ਮਾਮਲੇ ਵਿੱਚ ਵੱਡਾ ਫੈਸਲਾ ਲਿਆ ਹੈ।
CBI ਦੀ ਵਿਸ਼ੇਸ਼ ਅਦਾਲਤ ਹੁਣ 4 ਫਰਵਰੀ ਨੂੰ ਦੋਸ਼ੀ ਪੁਲਿਸ ਅਧਿਕਾਰੀਆਂ ਨੂੰ ਕਿੰਨੀ ਸਜ਼ਾ ਮਿਲੇਗੀ, ਇਸ ਉੱਤੇ ਫੈਸਲਾ ਸੁਣਾਏਗੀ।
ਇਹ ਮਾਮਲਾ ਪੰਜਾਬ ਵਿੱਚ 80,90 ਦੌਰਾਨ ਹੋਏ ਸਰਕਾਰੀ ਤਸ਼ੱਦਦ ਅਤੇ ਸਿੱਖ ਨਸਲਕੁਸ਼ੀ ਨੂੰ ਉਜਾਗਰ ਕਰਦਾ ਹੈ।
