
ਭਾਈ ਸੰਦੀਪ ਸਿੰਘ(ਦੀਪ ਸਿੱਧੂ) ਦੇ ਜਾਣ ਤੋਂ ਬਾਅਦ ਉਹਦੇ ਪਿਆਰ ‘ਚ ਉੱਛਲੇ ਹਿਰਦਿਆਂ ਨੂੰ ਦੇਖ ਕੁਝ ਕੁ ਸੱਜਣਾਂ ਬੜਾ ਗਿਲਾ ਕੀਤਾ ਸੀ ਕਿ ਸਾਡੇ ਲੋਕ ਜਿਉਂਦੇ ਨੂੰ ਕਿਉਂ ਨਹੀਂ ਪਹਿਚਾਣਦੇ ? ਹੁਣ ਮਰਿਆ ‘ਤੇ ਰੋਂਦੇ ਫਿਰਦੇ ਆ
ਏਨਾਂ ਹੀ ਨਹੀਂ ਲਾਲ ਕਿਲ੍ਹੇ ਦੀ ਘਟਨਾਂ ਤੋਂ ਬਾਅਦ ਜਦੋਂ ਪੁਲਿਸ ਲਭਦੀ ਫਿਰਦੀ ਸੀ ਤਾਂ ਉਦੋਂ ਏਹ ਗਿਲਾ ਖੁਦ ਦੀਪ ਨੇ ਵੀ ਕੀਤਾ ਸੀ ਕਿ
“ਤੁਹੀ ਬਰਸੀਆਂ ਮਨਾਉਣ ਜੋਗੇ ਉ”
ਪਰ ਥੋੜਾ ਜਿਹਾ ਗਹੁ ਨਾਲ ਵੇਖੋ ਤਾਂ ਪਤਾ ਲਗਦਾ ਏ ਤਾਂ ਸਦਾ ਹੀ ਹੁੰਦਾ ਰਿਹਾ ਤੇ ਸ਼ਾਇਦ ਅੱਗੋਂ ਲਈ ਸਦਾ ਹੁੰਦਾ ਹੀ ਰਹੂਗਾ
ਕਿਉਕਿ ਇਸ ਦੇ ਕਾਰਨ ਹਨ;-
1) ਬਹੁਤਾਤ ਗਿਣਤੀ ਚ ਮਨੁੱਖੀ ਸਮਝ ਦੀ ਇਹ ਕਮਜ਼ੋਰੀ ਆ ਕਿ ਉਹ ਸਮਾਂ ਰਹਿੰਦੇ ਸਹੀ ਗ਼ਲਤ ਦੀ ਪਛਾਣ ਨਹੀਂ ਕਰ ਪਾਉਂਦੀ। ਸਦੀਆਂ ਦਾ ਇਤਿਹਾਸ ਇਸ ਗੱਲ ਦਾ ਗਵਾਹ ਹੈ ਗੁਰਪੁਰਵਾਸੀ ਪੰਥ ਰਤਨ ਗਿਆਨੀ ਸੰਤ ਸਿੰਘ ਮਸਕੀਨ ਜੀ ਅਕਸਰ ਕਥਾ ਕਹਿੰਦੇ ਹੁੰਦੇ ਸਨ ਕਿ ਹਰ ਅਵਤਾਰੀ ਪੁਰਸ਼ ਅਪਣੇ ਸਮੇਂ ਤੋਂ ਪਹਿਲਾਂ ਹੁੰਦਾ ਏ, ਏਸੇ ਕਰਕੇ ਜਦੋਂ ਉਹ ਮਹਾਂ ਪੁਰਖ ਹੁੰਦਾ ਉਦੋਂ ਦੁਨੀਆਂ ਸਮਝਦੀ ਨਹੀਂ ਤੇ ਜਦੋਂ ਉਸਦੀ ਸਮਝ ਆਉਂਦੀ ਉਦੋਂ ਉਹ ਸੰਸਾਰ ਤੋਂ ਰੁਖ਼ਸਤ ਹੋ ਗਿਆ ਹੁੰਦਾ ਏ। ਫੇਰ ਖ਼ਾਸ ਕਰਕੇ ਦੀਪ ਸਿੱਧੂ ਵਰਗੇ ਬੰਦਿਆਂ ਨੂੰ ਸਮਝਣਾ ਆਮ ਬੰਦੇ ਲਈ ਹੋਰ ਵੀ ਔਖਾ ਹੋਰ ਜਾਂਦਾ ਹੈ ਜਿਨ੍ਹਾਂ ਦਾ ਪਿਛੋਕੜ ਬਹੁਤ ਧੁੰਦਲਾ ਹੋਵੇ , ਆਮ ਬੰਦੇ ਦੀ ਸਮਝ ਹੀ ਨਹੀਂ ਆਉਂਦਾ ਕਿ ਕੋਈ ਏਨਾਂ ਕਿਵੇਂ ਬਦਲ ਸਕਦਾ? ….
2) ਮੌਤ ਜ਼ਿੰਦਗੀ ਦਾ ਇੱਕ ਤਰਾਂ Full stop ਹੈ । ਮੌਤ ਤੋਂ ਬਾਦ ਫ਼ੈਸਲਾ ਕਰਨਾ ਸੌਖਾ ਹੈ ਜਿਵੇਂ ਕ੍ਰਿਕਟ ਮੈਚ ਵਿਚ ਆਖ਼ਰੀ ਗੇਂਦ ਨਾਲ ਸਭ ਨੂੰ ਪਤਾ ਲਗ ਜਾਂਦਾ । ਜਿੱਤ ਹਾਰ ਦਾ ਪਹਿਲਾਂ ਸ਼ੱਕ ਬਣਿਆ ਰਹਿੰਦਾ, ਇਸ ਤਰਾਂ ਬੰਦੇ ਬਾਰੇ ਵੀ ਬਹੁਤ ਸਾਰੇ ਸ਼ੱਕ ਭੁਲੇਖੇ ਬਣੇ ਰਹਿੰਦੇ ਪਰ ਆਖਰੀ ਸਾਹ ਆਉਂਦਿਆਂ ਹੀ ਉਹ ਦੂਰ ਹੋ ਜਾਂਦੇ , ਏਸੇ ਕਾਰਨ ਆ ਇਤਿਹਾਸ ਦਾ ਬੜੀ ਬਰੀਕੀ ਨਾਲ ਵਿਸ਼ਲੇਸ਼ਣ ਕਰਨ ਵਾਲੇ ਵਿਦਵਾਨ ਵੀ ਭਵਿੱਖ ਸਬੰਧੀ ਸਾਫ ਨਹੀਂ ਦਸ ਪਉਦੇਂ, ਏਂਥੋ ਤਕ ਦੀਪ ਵਰਗੇ ਬੰਦਿਆਂ ਨੂੰ ਪਰਖਣ ‘ਚ ਵੀ ਭੁਲੇਖਾ ਖਾ ਜਾਂਦੇ ਆ।
ਭਗਤ ਕਬੀਰ ਜੀ ਮਹਾਰਾਜ ਨੇ ਇਸ ਨੂੰ ਆਲਮਾਨਾ ਢੰਗ ਨਾਲ ਬਿਆਨ ਕੀਤਾ ਉਹ ਕਹਿੰਦੇ ਹਨ:-
“ਜਦੋਂ ਤਕ ਬੇੜੀ ਸਮੁੰਦਰ ਚ ਹੈ ਭਰੋਸਾ ਕਰਨਾ ਔਖਾ ਪਾਰ ਪਹੁੰਚੂ ਜਾਂ ਨਹੀ”
ਅਜਹੁ ਸੁ ਨਾਉ ਸਮੁੰਦ੍ਰ ਮਹਿ
ਕਿਆ ਜਾਨਉ ਕਿਆ ਹੋਇ ॥੩੯॥
ਜ਼ਿੰਦਗੀ ਦੇ ਸਮੁੰਦਰ ‘ਚ ਵੀ ਪਤਾ ਨਹੀਂ ਕਦੋਂ ਕੌਣ ਡੁੱਬ ਜਾਵੇ? ਜਦੋ ਤੱਕ ਬੇੜੀ ਪਾਰ ਨ ਲੱਗੇ ਪੂਰਨ ਵਿਸ਼ਵਾਸ਼ ਕਰਨਾ ਔਖਾ ਆ !
3) ਬੰਦੇ ਦੇ ਤੁਰ ਜਾਣ ਤੋਂ ਬਾਅਦ ਇੱਕ ਖਲਾਅ ਪੈਦਾ ਹੁੰਦਾ
ਉਹ ਕੌਣ ਸੀ? ਉਸ ਦੀ ਕੀ ਅਹਿਮੀਅਤ ਸੀ ?
ਫੇਰ ਇਸ ਦਾ ਅਹਿਸਾਸ ਹੁੰਦਾ ਹੈ! ਸਰਦਾਰ ਰਤਨ ਸਿੰਘ ਭੰਗੂ ਜੀ ਵੀ ਪੰਥ ਪ੍ਰਕਾਸ਼ ਚ ਲਿਖਦੇ ਨੇ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਸ਼ਹਾਦਤ ਤੋਂ ਬਾਅਦ ਸਿੱਖ ਆਪਸ ਚ ਗਿਲਾ ਕਰਦੇ ਨੇ ਕਿ ਅਸੀਂ ਬੰਦਾ ਸਿੰਘ ਨੂੰ ਸਮਝ ਨਹੀ ਸਕੇ ਉਸ ਦਾ ਸਰਾਪ ਲੱਗਾ ਸਾਨੂੰ।
ਸੋ ਸਾਰੀ ਗੱਲ ਦਾ ਨਿਚੋੜ ਏ ਕੇ ਏਦਾਂ ਸਿਰਫ ਦੀਪ ਸਿੱਧੂ ਨਾਲ ਨਹੀਂ ਹੋਇਆ ਸਭ ਨਾਲ ਹੋਇਆ ਜੋ ਵੀ ਸੱਚ ਦੇ ਰਾਹ ਚੱਲੇ। ਆ ਵੇਖੋ ਸ੍ਰੀਮਾਨ ਸੰਤ ਗਿਆਨੀ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੇ ਹੁੰਦਿਆਂ ਜੋ ਉਨ੍ਹਾਂ ਦੇ ਪੂਰੇ ਵਿਰੋਧੀ ਰਹੇ ਪਰ ਸ਼ਹੀਦੀ ਤੋਂ ਬਾਅਦ ਬਹੁਤ ਉਹਨਾਂ ਵਿਚੋਂ ਬਹੁਤ ਸਾਰੇ ਬੰਦੇ ਸੰਤਾਂ ਦੇ ਦੱਸੇ ਰਸਤੇ ‘ਤੇ ਤੁਰੇ ਇੱਥੋਂ ਤਕ ਕਿ ਖਾੜਕੂ ਲਹਿਰ ਚ ਸ਼ਹੀਦ ਵੀ ਹੋਏ ਕਈਆਂ ਨੇ ਹੋਰ ਕਈ ਤਰ੍ਹਾਂ ਦਾ ਯੋਗਦਾਨ ਪਾਇਆ ।
ਕਈਆਂ ਨੇ ਅਵਾਰਡ ਮੋੜੇ ਏਨਾਂ ‘ਚ ਨਾਮਵਰ ਪੱਤਰਕਾਰ ਨਾਵਲਕਾਰ ਤੇ ਇਤਿਹਾਸਕਾਰ ਖੁਸ਼ਵੰਤ ਸਿੰਘ ਵਿਸ਼ੇਸ਼ ਵਰਨਣਯੋਗ ਏ ਦਰਬਾਰ ਸਾਹਿਬ ਹਮਲੇ ਸਮੇ ਸਭ ਤੋਂ ਪਹਿਲਾਂ ਏਨਾਂ ਹੀ ਪਦਮ ਭੂਸ਼ਣ ਅਵਾਰਡ ਵਾਪਸ ਕੀਤਾ ਸੀ। ਖੈਰ….
ਫਿਰ ਵੀ ਮੈਂ ਸਮਝਦਾ ਦੀਪ ਬੜਾ ਖੁਸ਼ਕਿਸਮਤ ਤੇ ਵੱਡਭਾਗਾ ਸੀ ਕਿਉਂਕਿ ਉਹਦੀ ਸਮਝ ਬਹੁਤ ਬਹੁਤ ਛੇਤੀ ਲੱਗ ਗਈ ਸੀ ਲੋਕਾਂ ਨੂੰ ਸਸਕਾਰ ਸਮੇਂ ਦਾ ਏਨਾਂ ਭਾਰੀ ਇੱਕਠ ਦੀਪ ਦੇ ਸਿਵੇ ‘ਤੇ ਖੜ ਕੇ ਕੀਤੀਆਂ ਉਹਦੇ ਸਿਵੇ ਦੀ ਰਾਖ ਤਕ ਚੁਕ ਕੇ ਘਰਾਂ ਨੂੰ ਲੈ ਜਾਣੀ ਤੇ ਫੇਰ ਭੋਗ ਸਮੇ ਫਤਿਹਗੜ ਸਾਹਿਬ ਏਨਾਂ ਵਿਸ਼ਾਲ ਇੱਕਠ ਇਸ ਦਾ ਸਬੂਤ ਹੈ।
ਸਤਿਗੁਰ ਕਿਰਪਾ ਕਰੇ! ਭਾਈ ਸੰਦੀਪ ਸਿੰਘ (ਦੀਪ ਸਿੱਧੂ) ਨੂੰ ਯਾਦ ਕਰਦਿਆਂ!!…
-ਮੇਜਰ ਸਿੰਘ