ਜਿੰਨਾ ਦੀ ਸ਼ਰਨ ਵਿਚ ਰਾਜ-ਭਾਗ ਛੱਡ ਸੰਤ ਈਸ਼ਰ ਸਿੰਘ ਸਾਧੂ ਹੋਏ, ਜਿੰਨਾ ਦੇ ਆਸ਼ੀਰਵਾਦ ਸਜਕਾ ਭਗਤ ਪੂਰਨ ਸਿੰਘ ਸਿੱਖ ਸਜੇ।
ਸੰਤ ਅਤਰ ਸਿੰਘ ਰੇਰੂ ਸਾਹਿਬ ਪਟਿਆਲ ਵਿਖੇ ਗੁਰਬਾਣੀ ਕੀਰਤਨ ਤੇ ਹਾਜਰੀ ਭਰ ਰਹੇ ਸਨ ਕਾਲਜ ਜਾਂਦੇ ਕੁਝ ਨੌਜਵਾਨਾਂ ਦੇ ਕੰਨੀ ਪੈ ਗਈ ਰਸਭਿੰਨੀ ਅਵਾਜ ਵਾਲੇ ਸੰਤਾਂ ਦੇ ਦਰਸਨ ਕਰਨ ਦਾ ਮਨ ਬਣਾ ਕੇ ਨੌਜਵਾਨ ਸੰਤਾਂ ਕੋਲ ਪਹੁੰਚ ਗਏ ਸਮਾਪਤੀ ਤੋਂ ਬਾਅਦ ਬੇਨਤੀ ਕੀਤੀ ਮਹਾਂਪੁਰਸ਼ੋ ਮਨ ਅਨੰਦਿਤ ਹੈ ਸੰਸਾਰ ਤੇ ਕੁਝ ਨਹੀ ਹੈ ਕੀਰਤਨ ਦੀ ਦਾਤ ਝੋਲ ਪਾ ਦਿਓ ।
ਬੇਨਤੀ ਕਰਨ ਵਾਲੇ ਨੌਜਵਾਨ ਨੂੰ ਮਹਾਂਪੁਰਸ਼ ਕਹਿਣ ਲੱਗੇ ਸਿੰਘਾ ਆਹ ਰੇਸ਼ਮੀ ਕੱਪੜੇ,ਮਹਿਗੇ ਜੋੜੇ ਅਮੀਰੀ ਤਿਆਗਣੀ ਪਵੇਗੀ ਜਥੇ ਵਿਚ ਰਹਿ ਕੇ ਕੇਵਲ ਕਛਹਿਰਾ ਤੇ ਚੋਲ੍ਹਾ ਮਿਲੇਗਾ ਫੈਸਲਾ ਕਰ ਲਓ ਘਰੋਂ ਪੜ੍ਹਨ ਆਏ ਨੌਜਵਾਨ ਦੇ ਪਿਤਾ ਜੀ ਸਰਕਾਰੀ ਅਫਸਰ ਸਨ ਮਹਿੰਗੀਆਂ ਜ਼ਮੀਨਾਂ ਜਾਇਦਾਦਾਂ ਦੇ ਮਾਲਕ ਸਰਦਾਰਾਂ ਦੇ ਪੁੱਤ ਦਾ ਵੈਰਾਗ ਜਾਗ ਪਿਆ,ਕਹਿੰਦਾ ਸੰਤ ਜੀ ਜੇ ਤੁਹਾਡੀ ਕਿਰਪਾ ਹੋਈ ਤਾਂ ਸਭ ਛੱਡ ਦਿਆਂਗਾ ।
ਘਰ ਜਾ ਕੇ ਦੱਸਿਆ ਪਿਤਾ ਨੇ ਬਹੁਤ ਜੋਰ ਲਾਇਆ ਪੁੱਤ ਸਾਧ ਨਾ ਬਣ ਛੱਡ ਆਪਣੇ ਕੋਲ ਕਿਹੜੀ ਕੋਈ ਕਮੀ ਹੈ, ਪਰ ਸੱਚੇ ਸਾਧੂ ਦੀ ਇਕ ਝਲ੍ਹਕ ਨਦਰਿ ਦਾ ਕਾਇਲ ਨੌਜਵਾਨ ਪੱਕਾ ਜਥੇ ਚ ਆਣ ਸ਼ਾਮਲ ਹੋਇਆ,ਨੌਜਵਾਨ ਕੋਈ ਹੋਰ ਨਹੀ ਸੰਤ ਈਸ਼ਰ ਸਿੰਘ ਰਾੜ੍ਹਾ ਸਾਹਿਬ ਵਾਲੇ ਮਹਾਂਪੁਰਖ ਸਨ ਜੋ ਪਿਛਲੀ ਸਦੀ ਦੇ ਇਕ ਯੁੱਗ ਪੁਰਸ਼ ਮਹਾਂਪੁਰਸ਼ ਹੋਏ ਦੇਹਧਾਰੀ ਗੁਰੂਡੰਮ ਦੇ ਵਿਚ ਘਿਰੇ ਮਾਲਵੇ ਖੇਤਰ ਵਿਚ ਗੁਰਸਿੱਖੀ ਗੁਰਮਤਿ ਪ੍ਰਚਾਰ ਲਈ ਉਨ੍ਹਾਂ ਦੀ ਦੇਣ ਅਥਾਹ ਰਹੀ।
ਮੀਰੀ-ਪੀਰੀ ਦੇ ਮਾਲਕ ਛੇਵੇਂ ਪਾਤਸ਼ਾਹ ਧੰਨ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਪਾਵਨ ਅਸਥਾਨ ਗੁਰਦੁਆਰਾ ਰੇਰੂ ਸਾਹਿਬ ਵਿਖੇ ਬਾਬਾ ਅਤਰ ਸਿੰਘ ਸੇਵਾ ਕਰਵਾ ਰਹੇ ਸਨ,ਹਿੰਦੂ ਪਰਿਵਾਰ ਦਾ ਇਕ ਬਾਲਕ ਗੁਰਦੁਆਰਾ ਸਾਹਿਬ ਪ੍ਰਸ਼ਾਦਾ ਛਕਣ ਆਇਆ ਜਿਸਦਾ ਪਿਤਾ ਲੁਧਿਆਣੇ ਦਾ ਨਾਮੀ ਸੇਠ ਸੀ। ਪਰ ਵਪਾਰ ਚੋਂ ਘਾਟਾ ਪੈਣ ਕਰਕੇ ਚੱਲ ਵਸਿਆ ਵੱਸਦਾ ਘਰ ਗੁਰਬਤ ਦਾ ਸ਼ਿਕਾਰ ਹੋ ਗਿਆ। ਮਾਂ ਨੂੰ ਜਿੰਦਗੀ ਦੀਆਂ ਤਲਖ਼ ਹਕੀਕਤਾਂ ਦਾ ਸਾਹਮਣਾ ਕਰਦਿਆਂ ਪਿੰਡ ਛੱਡ ਲਾਹੌਰ ਕਿਸੇ ਸੇਠ ਦੇ ਘਰ ਨੌਕਰੀ ਕਰਨੀ ਪਈ।
ਲਾਡਾਂ ਨਾਲ ਪਲ੍ਹਿਆ ਇਹ ਬਾਲਕ ਅੱਜ ਅਨਾਥਾਂ ਵਾਂਗ ਸ਼ੜ੍ਹਕਾਂ ਤੇ ਤੁਰਿਆ ਫਿਰਦਾ,ਭੁੱਖ ਲੱਗੀ ਇਕ ਮੰਦਿਰ ਵਿਚ ਗਿਆ ਪੁਜਾਰੀਆਂ ਕਿਹਾ ਪਹਿਲਾਂ ਪੰਡਿਤ ਜੀ ਪ੍ਰਸ਼ਾਦਾ ਛਕਣਗੇ ਬਾਅਦ ਵਿਚ ਸਭ ਨੂੰ ਵਰਤਾਇਆ ਜਾਵੇਗਾ,ਉਥੋਂ ਨਿਰਾਸ਼ ਅੱਗੇ ਨਿਕਲ ਆਇਆ ਸ਼ੜਕੇ ਸ਼ੜਕ ਤੁਰਦਿਆ ਗੁਰਦੁਆਰਾ ਰੇਰੂ ਸਾਹਿਬ ਪਹੁੰਚ ਗਿਆ।
ਬਾਲਕ ਨੇ ਗੁਰਦੁਆਰਾ ਰੇਰੂ ਸਾਹਿਬ ਦੇ ਲੰਗਰ ਚੋਂ ਪ੍ਰਸ਼ਾਦਾ ਛਕਿਆ ਪਾਣੀ ਦੀ ਥਾਂ ਦੁੱਧ ਲੱਸੀ ਵਰਤ ਰਹੀ ਸੀ। ਮਹਾਂਪੁਰਸ਼ ਆਪ ਹੱਥੀ ਪਸ਼ੂਆ ਨੂੰ ਪੱਠੇ ਪਾਂਉਦੇ,ਦੁੱਧ ਚੋਂਦੇ,ਬਿਲਡਿੰਗਾ ਦੀ ਸੇਵਾ ਕਰਵਾਂਉਦੇ ਗੁਰਬਾਣੀਂ ਪੜ੍ਹਦੇ ਗੁਰਸ਼ਬਦ ਵਿਚਾਰ ਦੀ ਕਥਾ ਕਰਦੇ ਇਸ ਬਾਲਕ ਤੇ ਮਹਾਂਪੁਰਸ਼ਾਂ ਦਾ ਐਸਾ ਦੈਵੀ ਪ੍ਰਭਾਵ ਪਿਆ ਕਿ ਇਸਨੇ ਸਿੱਖ ਬਣ੍ਹਨ ਦਾ ਮਨ ਬਣਾ ਲਿਆ। ਗੁਰਸਿੱਖੀ ਧਾਰਨ ਕਰਕੇ ਸਿੱਖ ਸਜੇ ਬਾਲਕ ਨੇ ਐਸੀ ਘਾਲਣਾ ਘਾਲ੍ਹੀ ਕਿ ਯੁਗ ਪੁਰਸ਼ ਹੋ ਨਿਬੜਿਆ ਇਹ ਬਾਲਕ ਕੋਈ ਹੋਰ ਨਹੀ ਪਿੰਗਲਵਾੜਾ ਸੰਸਥਾ ਦੇ ਬਾਨੀ ਭਗਤ ਪੂਰਨ ਸਿੰਘ ਜੀ ਸਨ ਜਿਨ੍ਹਾਂ ਦੀ ਸੇਵਾ ਘਾਲਣਾ ਨੇ ਪੰਥ ਦਾ ਨਾਮ ਵਿਸ਼ਵ ਵਿਚ ਰੌਸ਼ਨ ਕੀਤਾ ਜਿੰਨਾ ਦਾ ਵਰਤਮਾਨ ਵਿਚ ਕੋਈ ਸਾਨੀ ਹੀ ਨਹੀ ।
ਭਗਤ ਜੀ ਪੰਥ ਨੂੰ ਉਨਾ ਸੰਪ੍ਰਦਾਵਾਂ ਦੀ ਦੇਣ ਹਨ ਜਿੰਨਾ ਬਾਰੇ ਪਿਛਲੇ ਦੋ ਢਾਈ ਦਹਾਕਿਆਂ ਤੋਂ ਸਰਕਾਰੀ ਪ੍ਰਚਾਰਕਾਂ ਦੇ ਆਕਾ ਕਾਲਾ ਅਫਗਾਨਾ ਪੱਖੀ ਮਿਸ਼ਨਰੀ ਕੂੜ ਪ੍ਰਚਾਰ ਕਰ ਰਹੇ ਹਨ। ਜਦਕਿ ਮਾਲਵੇ ਦੇ ਏਨਾ ਸੰਤਾਂ ਨੇ ਸਿੱਖੀ ਦੇ ਬੂਟੇ ਨੂੰ ਉਮਰ ਭਰ ਦੀਆਂ ਘਾਲ੍ਹਣਾਵਾਂ ਘਾਲ੍ਹ ਕੇ ਇਕ ਸਦੀ ਪਹਿਲਾਂ ਉਨਾ ਦਿਨਾਂ ਵਿਚ ਸਿੰਜਿਆ ਅੱਜ ਸਿੱਖੀ ਦੇ ਗੜ੍ਹ ਮੰਨੇ ਜਾਂਦੇ ਅੰਮ੍ਰਿਤਸਰ ਗੁਰਦਾਸਪਰ ਵਰਗੇ ਜ਼ਿਲ੍ਹੇ ਦੇ ਪਿੰਡਾਂ ਵਿਚ ਧੜਾਧੜ ਚਰਚਾਂ ਬਣ ਰਹੀਆਂ ਹਨ,ਔਰ ਇਹ ਰਾਤੋ-ਰਾਤ ਨਹੀ ਬਲਕਿ ਧਾਰਮਿਕ ਖੇਤਰ ਵਿਚ ਗੁਰਮਤਿ ਦੇ ਉਲਟ ਧਾਰਮਿਕ ਆਗੂ ਬਣ ਬੈਠੇ ਲੋਕਾਂ ਵਲੋਂ ਕੌਂਮ ਨੂੰ ਪਿੱਠ ਦੇਣ ਤੋਂ ਬਾਅਦ ਵਰਤਿਆ ਵਰਤਾਰਾ ਹੈ ।
1984 ਤੋਂ ਬਾਅਦ ਏਜੰਸੀਆਂ ਦੇ ਏਜੰਡੇ ਤਹਿਤ ਸੰਤਾਂ,ਮਹਾਂਪੁਰਸ਼ਾਂ,ਸੰਪ੍ਰਦਾਵਾਂ ਨੂੰ ਪਿੱਠ ਦੇਣ ਦਾ ਰੁਝਾਂਨ ਅੱਜ ਸਿਖਰਾਂ ਛੋਹ ਰਿਹਾ ਹੈ,ਪਰ ਮੇਰੀ ਸਲਾਹ ਹੈ ਵਿਰੋਧ ਕਰਨ ਵਾਲੇ ਤਰਕਵਾਦੀ ਆਂ ਨੂੰ ਆਪਣੀਆਂ ਅਤੇ ਸੰਪ੍ਰਦਾਵਾਂ ਦੀਆਂ ਪ੍ਰਾਪਤੀਆਂ ਦੀ ਸਮੀਖਿਆ ਕਰ ਲੈਣੀ ਚਾਹੀਦੀ ਹੈ,ਤਾਂ ਕਿ ਪਤਾ ਲੱਗੇ ਕਿਸਦੇ ਪੱਲੇ ਕੀ ਹੈ,ਲਫਾਫੇਬਾਜ਼ੀ ਦਾ ਸਾਰਾ ਵਹਿਮ ਦੂਰ ਹੋ ਜਾਵੇਗਾ।
ਸੰਪ੍ਰਦਾਵਾਂ ਨੇ ਸੰਤ ਭਿੰਡਰਾਂਵਾਲੇ ਵਰਗੇ ਸ਼ੇਰ ਮਰਦ ਸੂਰਮੇ ਅਤੇ ਭਗਤ ਪੂਰਨ ਸਿੰਘ ਜੀ ਵਰਗੇ ਯੁੱਗ ਪੁਰਸ਼ ਪੰਥ ਦੀ ਝੋਲ੍ਹ ਪਾਏ ਬ੍ਰਾਹਮਣਵਾਦ ਦੀ ਆੜ੍ਹ ਹੇਠ ਅਗਾਂਹਵਧੂਆਂਅਖਵਾਉਣ ਵਾਲਿਆਂ ਦੇ ਆਗੂ ਕਾਲੇ ਅਫਗਾਨੇ,ਘੱਘੇ,ਨੇਕੀ ਵਰਗਿਆਂ ਪੰਥ ਨਾਲ ਮੱਥੇ ਲਾਏ।
ਇਕ ਪਾਸੇ ਅਜੋਕੀ ਪ੍ਰਚਾਰਕ ਸ਼੍ਰੇਣੀ ਹੈ ਜੋ ਘਰ ਚੋਂ ਨਿਕਲ ਰੋਟੀ ਦੇ ਜੁਗਾੜ ਲਈ ਦੋ ਸਾਲਾ ਕੋਰਸ ਕਰਕੇ ਪ੍ਰਚਾਰਕ ਬਣ ਰਹੀ ਹੈ ਤੇ ਦੂਜੇ ਪਾਸੇ ਇਹ ਸਾਧੂ ਸਨ ਜੋ ਜਿੰਦਗੀ ਰਸ-ਕਸ ਤਿਆਗ ਜਮੀਨਾਂ ਜਾਇਦਾਦਾਂ ਛੱਡ ਸਾਧ ਬਣੇ ਐਵੇਂ ਨਹੀ ਅੱਧੀ ਸਦੀ ਬੀਤਣ ਬਾਅਦ ਵੀ ਪੰਥ ਐਸੀਆਂ ਰੂਹਾਂ ਦੇ ਬਲਿਹਾਰ ਜਾਂਦਾ ।
ਪਹਿਲੀ ਤਸਵੀਰ ਵਿਚ ਸੰਤ ਅਤਰ ਸਿੰਘ ਰੇਰੂ ਸਾਹਿਬ,ਦੂਜੀ ਤਸਵੀਰ ਬਾਬਾ ਈਸ਼ਰ ਸਿੰਘ ਜੀ ਰਾੜਾ ਸਾਹਿਬ ਵਾਲਿਆਂ ਦਾ ਇਕ ਸਦੀ ਪਹਿਲਾਂ ਦਾ ਪੱਕਾ ਸਰਦਾਰਾਂ ਵਾਲਾ ਘਰ ਅੱਜ ਵੀ ਮੌਜੂਦ ਹੈ,ਜਿਸ ਨੂੰ ਛੱਡ ਮਹਾਪੁਰਸ਼ ਰੇਰੂ ਵਾਲੇ ਸੰਤਾਂ ਦੀ ਸੰਗਤ ਕਰਕੇ ਸਾਧ ਹੋਏ ਸਨ,ਅਖੀਰ ਭਗਤ ਪੂਰਨ ਸਿੰਘ ਜੀ ਯੁੱਗ ਪੁਰਸ਼ ਮਹਾਪੁਰਸ਼ਾਂ ਦੀ ਤਸਵੀਰ ।
ਏਨਾ ਸਾਧੂਆਂ ਦਾ ਕੌਣ ਮੁਕਾਬਲਾ ਕਰੇਗਾ…? ਤਰਕਵਾਦੀ ਝੋਲ੍ਹਾਸ਼ਾਪ ਪ੍ਰਚਾਰਕ ਤਾਂ ਕਦਾਚਿਤ ਨਹੀਂ ਕਰ ਸਕਦੇ ਨਿੰਦਾ ਕਰਕੇ ਕੂੜ ਪ੍ਰਚਾਰ ਜਰੂਰ ਕਰ ਸਕਦੇ ਹਨ ।
-ਸ਼ਮਸ਼ੇਰ ਸਿੰਘ ਜੇਠੂਵਾਲ
