ਯੂਟਾਹ ਦੀ ਅਰਸ਼ਦੀਪ ਕੌਰ ਤੂਰ ਅਮਰੀਕੀ ਫੌਜ ਵਿੱਚ ਸ਼ਾਮਲ ਹੋਣ ਵਾਲੀ ਪਹਿਲੀ ਦਸਤਾਰਧਾਰੀ ਸਿੱਖ ਬੀਬੀ ਬਣ ਗਈ ਹੈ। ਇਹ ਮਹੱਤਵਪੂਰਨ ਮੌਕਾ ਸਿੱਖ ਪਹਿਚਾਣ ਲਈ ਅਮਰੀਕਾ ਦੀ ਵਧਦੀ ਸਵੀਕਾਰਤਾ ਨੂੰ ਸਪਸ਼ਟ ਕਰਦਾ ਹੈ।
ਅਮਰੀਕਾ ਵਿੱਚ ਸਿੱਖਾਂ ਦੀ ਧਾਰਮਿਕ ਪਹਿਚਾਣ ਨੂੰ ਸੁਰੱਖਿਅਤ ਰੱਖਣ ਅਤੇ ਪੂਰੀ ਆਜ਼ਾਦੀ ਦੇਣ ਦੇ ਯਤਨਾਂ ਨੇ ਹੁਣ ਫੌਜੀ ਸਤਰ ‘ਤੇ ਵੀ ਨਵੀਆਂ ਮਾਰਗਦਰਸ਼ਕ ਨੀਤੀਆਂ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਨੀਤੀਆਂ ਨਾ ਸਿਰਫ ਧਾਰਮਿਕ ਅਜ਼ਾਦੀ ਲਈ ਅਮਰੀਕਾ ਦੀ ਠੋਸ ਪ੍ਰਤੀਬੱਧਤਾ ਨੂੰ ਦਰਸਾਉਂਦੀਆਂ ਹਨ, ਸਗੋਂ ਸਿੱਖ ਧਰਮ ਦੇ ਮੁਢਲਿਆਂ ਸਿਧਾਂਤਾਂ ਲਈ ਸਨਮਾਨ ਅਤੇ ਮੰਜ਼ੂਰੀ ਦਾ ਨਵਾਂ ਦਰਵਾਜ਼ਾ ਖੋਲ੍ਹਦੀਆਂ ਹਨ।
ਇਸੇ ਦੇ ਨਾਲ, ਅਮਰੀਕਾ ਦਾ ਇਹ ਕਦਮ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਿੱਖ ਧਾਰਮਿਕ ਪਹਿਚਾਣ ਲਈ ਮਜ਼ਬੂਤ ਪ੍ਰੇਰਨਾ ਪ੍ਰਦਾਨ ਕਰ ਰਿਹਾ ਹੈ। ਇਹ ਵਿਸ਼ਵ ਭਰ ਦੇ ਧਾਰਮਿਕ ਸਮੂਹਾਂ ਲਈ ਆਦਰਸ਼ ਬਣ ਸਕਦਾ ਹੈ।
ਅਰਸ਼ਦੀਪ ਕੌਰ ਦੀ ਇਸ ਉਪਲਬਧੀ ‘ਤੇ ਸਮੂਹ ਖਾਲਸਾ ਅਖਬਾਰ ਵੱਲੋਂ ਹਾਰਦਿਕ ਵਧਾਈ।
