ਪੰਜਾਬ ਵਿਚ ਮੁੜ ਸ਼ੁਰੂ ਹੋਏ ਝੂਠੇ ਮੁਕਾਬਲਿਆਂ ‘ਤੇ ਵਿਸ਼ੇਸ਼

ਮੈਂ ਦੁਨੀਆਂ ਵਿੱਚ ਵਸਦੇ ਸਾਰੇ ਸਿੱਖਾਂ ਨੂੰ ਬੇਨਤੀ ਕਰਦਾਂ ਕਿ ਕੀ ਆਪਣੇ ਵਿੱਚ 100 ਸੁਹਿਰਦ ਸਿੱਖ ਵੀ ਹੈਨੀਂ ਜਿਹੜੇ ਇਹਨਾਂ ਨੌਜਵਾਨਾਂ ਨੂੰ ਸਹੀ ਦਿਸ਼ਾ ਦੇ ਸਕਣ?

ਕੀ ਇਹ ਨੌਜਵਾਨ ਤੁਹਾਡੇ ਕੁੱਝ ਨਹੀਂ ਲੱਗਦੇ? ਚਲੋ ਸਟੇਟ ਦੀ ਨਿਗਾਹ ਵਿੱਚ ਗਲਤੀ ਵੀ ਕਰਤੀ ਹੋਣੀ ਏ, ਪਰ ਕੀ ਗਲ਼ਤੀ ਦੀ ਸਜ਼ਾ ਮੌਤ ਏ? ਕੀ ਅਦਾਲਤਾਂ ਸਿਰਫ ਸਿੱਖਾਂ ਨੂੰ ਸਜ਼ਾਵਾਂ ਦੇਣ ਵਾਸਤੇ ਹਨ? ਐਸ ਐਸ ਪੀ ਧਮਕੀਆਂ ਦਿੰਦਾ ਕਿ ਅਸੀਂ ਏਦਾਂ ਹੀ ਗੋਲੀਆਂ ਮਾਰਾਂਗੇ , ਤੇ ਭਾਈ ਤੇਰੀਆਂ ਗੋਲੀਆਂ ਸੱਜਣ ਕੁਮਾਰ ਤੇ ਕਿਓਂ ਨਾ ਚੱਲੀਆਂ । ਤੂੰ ਗੁਰੂ ਸਾਹਿਬ ਦੀ ਬੇਅਦਬੀ ਵਾਲਿਆਂ ਨੂੰ ਕਿਵੇਂ ਬਰਦਾਸ਼ਤ ਕੀਤਾ? ਕਿਓਂ ਓਹ ਜਰਵਾਣੇ ਸੀ ਤਾਂ ਕਰਕੇ ? ਸਰਸੇ ਆਲਾ ਸਾਧ ਥੋਡੀਆਂ ਧੀਆਂ ਭੈਣਾ ਦੇ ਬਲਾਤਕਾਰ ਕਰਕੇ ਪੈਰੋਲ ਤੇ ਆਇਆ ਬੈਠਾ , ਤੇਰੇ ਵਿੱਚ ਜੁਰਤ ਸੀ ਤਾਂ ਤੂੰ ਓਹਦੇ ਗੋਲੀ ਕਿਓਂ ਨਾ ਮਾਰੀ। ਤੂੰ ਗੋਲੀ ਮਾਰਦਾ ਲਾਰੰਸ ਬਿਸ਼ਨੋਈ ਦੇ।

ਓਥੇ ਤੁਹਾਡੇ ਰਿਵਾਲਵਰ ਜਾਮ ਹੋ ਜਾਂਦੇ ਆ, ਸਿੱਖਾਂ ਤੇ ਤੁਹਾਡੀਆਂ ਗੋਲੀਆਂ ਚੱਲਦੀਆ। ਪਰ ਅਸਲ ਵਿੱਚ ਸੱਚ ਤਾਂ ਇਹ ਹੈ ਕਿ ਜ਼ਾਲਮ ਨੂੰ ਛੁਰਾ ਹੌਲੀ ਚਲਾਉਂਣ ਦੀ ਫਰਿਆਦ ਕਰਨਾ ਹੀ ਬੇਗੈਰਤੀ ਏ। ਓਹਨਾ ਆਪਣਾ ਕੰਮ ਕਰਨਾ ਹੀ ਏ ਪਰ ਸਿੱਖ ਕਿੱਥੇ ਖੜੇ ਆ ਅੱਜ? ਏਧਰ ਸਾਡੇ ਵਿੱਚ ਕਈ ਸਿੱਖ ਅੰਮ੍ਰਿਤਪਾਲ ਦੀ ਕਿਰਦਾਰਕੁਸ਼ੀ ਕਰਨ ਨੂੰ ਪ੍ਰਾਪਤੀ ਸਮਝੀ ਬੈਠੇ ਆ।

ਮੈਂ ਅੱਜ ਤੋਂ ਛੇ ਮਹੀਨੇ ਪਹਿਲਾਂ ਕਿਹਾ ਸੀ ਕਿ ਕੋਈ ਸਮਾਂ ਆਵੇਗਾ ਤੁਹਾਨੂੰ ਅਗਲਿਆਂ ਨੇ ਸਰਬੱਤ ਖਾਲਸਾ ਬੁਲਾਉਣ ਜੋਗੇ ਵੀ ਨਹੀ ਛੱਡਣਾ। ਅੱਜ ਤੁਹਾਡੇ ਹਾਲਾਤ ਓਹੀ ਏ, ਤੁਸੀਂ ਆਪਣੇ ਨੌਜਵਾਨਾਂ ਲਈ 10 ਬੰਦੇ ਵੀ ਇਕੱਠੇ ਨਹੀਂ ਹੋ ਸਕਦੇ। ਅਸੀਂ ਨੌਜਵਾਨਾਂ ਨੂੰ ਮਰਨ ਲਈ ਖੁੱਲੇ ਮੈਦਾਨ ਵਿੱਚ ਛੱਡ ਦਿੱਤਾ । ਅੱਜ ਇਹਨਾਂ ਨੂੰ ਸੰਤਾਂ ਵਾਂਗੂੰ ਗਲ ਨਾਲ ਲਾਉਂਣ ਵਾਲਾ ਕੋਈ ਨਹੀਂ। ਇਹਨਾਂ ਕੋਲ ਕੋਈ ਬਾਈ ਅੰਮ੍ਰਿਤਪਾਲ ਵਰਗਾ ਲੀਡਰ ਨਹੀਂ ਜਿਹੜਾ ਇਹਨਾਂ ਨੂੰ ਪਿਆਰ ਨਾਲ ਸਮਝਾ ਕੇ ਗੁਰਬਾਣੀ ਨਾਲ ਜੋੜੇ ਅਤੇ ਅੰਮ੍ਰਿਤ ਛਕਾਵੇ।

ਜੇ ਇਹ ਐਦਾਂ ਮਰਦੇ ਰਹੇ ਤੇ ਫਿਰ ਇਹ ਅੱਕੇ ਹੋਏ ਕਿਸੇ ਨਾਂ ਕਿਸੇ ਦੀ ਬਲੀ ਜ਼ਰੂਰ ਲੈਣਗੇ। ਜਿੰਨੀਆਂ ਸਿੱਖ ਸੰਸਥਾਵਾਂ ਦੇ ਵੱਡੇ ਅਹੁਦੇਦਾਰ ਆ ਓਹ ਆਪਣੇ ਆਪਣੇ ਆਕਾਵਾਂ ਨੂੰ ਬਚਾਉਂਣ ਤੇ ਲੱਗੇ ਹੋਏ ਆ। ਥੋੜਾ ਬਹੁਤਾ ਹੋਸ਼ ਕਰੋ । ਅੱਜ ਤੁਹਾਡੀ ਔਕਾਤ ਜੂਠ ਕੇ ਸੁੱਟੇ ਹੋਏ ਚਮਚਿਆਂ ਤੋਂ ਵੀ ਘੱਟ ਏ। ਤੁਹਾਡੇ ਸਮਰਥਨ ਦਾ ਪੱਧਰ ਗੁਰਬਾਣੀ ਅਤੇ ਇਤਿਹਾਸ ਦੀ ਕਸਵੱਟੀ ਤੇ ਹੋਣਾ ਚਾਹੀਦਾ ਸੀ । ਤੁਸੀਂ ਕੁੰਭ ਵਿੱਚ ਨਹਾਉਂਣ ਗਏ ਬੰਦੇ ਲਈ ਇਤਿਹਾਸ ਹੀ ਬਦਲ ਦਿੱਤਾ। ਤੁਸੀਂ ਦੇਹਧਾਰੀਆਂ ਦੇ ਸਮਰਥਕ ਬਣੇ ਹੋਏ ਜੋ।

ਜਥੇਦਾਰ ਸਾਬ ਰੋਜ ਕਹਿ ਦਿੰਦੇ ਆ ਕਿ ਮੇਰੇ ਤਾਂ ਕੱਪੜੇ ਅਟੈਚੀ ਵਿੱਚ ਪਾਏ ਹੋਏ ਆ ਪਰ ਬਾਦਲਾਂ ਨੂੰ ਐਨੀ ਜੁਰਤ ਨਹੀਂ ਕਹਿਣ ਦੀ ਕਿ ਤੁਸੀਂ ਕੌਣ ਹੁੰਨੇ ਆ ਮੈਨੂੰ ਸਿੱਖਾਂ ਦੇ ਤਖ਼ਤ ਤੋਂ ਲਾਹੁਣ ਵਾਲੇ ਸਿੱਖ ਕਹਿਣ ਤੇ ਮੈਂ ਸਿਰ ਵੱਢ ਕੇ ਰੱਖ ਦੇਵਾਂ, ਪਰ ਨਹੀਂ ਇਹ ਨਹੀਂ ਕਹਿ ਹੁੰਦਾ।

ਦੂਰ ਮੱਚਦੀ ਹੋਈ ਅੱਗ ਹਰੇਕ ਨੂੰ ਲੱਗਦਾ ਹੁੰਦਾ ਕਿ ਮੇਰੇ ਘਰ ਤੱਕ ਨਹੀਂ ਪਹੁੰਚਣੀ , ਜੇ ਅੱਗ ਲੱਗੀ ਏ ਤੇ ਘਰ ਤੁਹਾਡੇ ਵੀ ਨਹੀਂ ਬਚਣੇ।

-ਅਨੰਦਪੁਰ ਤੋਂ ਖੈਹਬਰ