ਭਾਈ ਵੀਰ ਸਿੰਘ ਜੀ ਹੋਣੀ ਆਖ਼ਰੀ ਸਮੇਂ ਕੁਝ ਢਿੱਲੇ ਰਹਿਣ ਲੱਗ ਪਏ। ਡਾਕਟਰਾਂ ਨੇ ਸਲਾਹ ਦਿੱਤੀ ਕੁਝ ਸਮਾਂ ਆਰਾਮ ਕਰੋ, ਆਬੋ ਹਵਾ ਬਦਲੋ। ਇਸ ਕਰਕੇ ਕਸੌਲੀ ਜਾਣ ਦਾ ਪ੍ਰੋਗਰਾਮ ਬਣਾ ਲਿਆ, ਪਰ ਜਾਣ ਤੋ ਪਹਿਲਾ ਹੀ 2 ਜੂਨ ਨੂੰ ਬਖਾਰ ਚੜ੍ਹ ਗਿਆ ਤੇ ਫਰਕ ਨਾ ਪਵੇ ।
ਸੋ 10 ਜੂਨ 1957 ਸ਼ਾਮ ਨੂੰ ਭਾਈ ਸਾਹਿਬ ਜੀ ਨੇ ਨੇਡ਼ੇ ਖਡ਼੍ਹੇ ਪ੍ਰੇਮੀਆਂ ਨੂੰ ਆਖ਼ਰੀ ਫ਼ਤਹਿ ਬੁਲਾਈ। ਅੱਗੋਂ ਪਿਆਰ ਵਾਲਿਆਂ ਨੇ ਫਤਿਹ ਗਜਾਈ । ਅਜ ਪੰਜ ਵਾਰ੍ਹੀ ਫ਼ਤਹਿ ਬੁਲਾਈ ਤੇ ਨਾਲ ਹੀ 4:25 ਸ਼ਾਮ ਨੂੰ ਕਰੀਬ 84 ਸਾਲ ਦੀ ਉਮਰੇ ਭਾਈ ਸਾਹਿਬ ਜੀ ਨੇ ਸਰੀਰ ਤਿਆਗਿਆ ।
ਭਾਈ ਸਾਹਿਬ ਦੀ ਜਬਾਨ ਤੇ ਅਕਸਰ ਗੁਰਬਾਣੀ ਦੀ ਕੋਈ ਨਾ ਕੋਈ ਤੁਕ ਹੁੰਦੀ ਸੀ ਆਖ਼ਰੀ ਦਿਨਾਂ ‘ਚ ਭਾਈ ਸਾਹਿਬ ਜੀ ਭਗਤ ਕਬੀਰ ਜੀ ਮਹਾਰਾਜ ਦੁਆਰਾ ਅਰਦਾਸ ਰੂਪ ਤੁਕ ਨੂੰ ਲਗਾਤਾਰ ਪੜ੍ਹਦੇ ਰਹਿੰਦੇ
ਅਬ ਕੀ ਬਾਰ ਬਖਸਿ ਬੰਦੇ ਕਉ
ਬਹੁਰਿ ਨ ਭਉਜਲਿ ਫੇਰਾ ॥੩॥੭॥
ਮੇਰਾ ਨਿੱਜੀ ਤਜਰਬਾ ਹੈ ਕਿ ਜੋ ਭਾਈ ਵੀਰ ਸਿੰਘ ਜੀ ਦੀਆਂ ਲਿਖਤਾਂ ਨੂੰ ਪੜ੍ਹਦਾ ਹੋਵੇ , ਹੋ ਹੀ ਨਹੀਂ ਸਕਦਾ ਕਿ ਉਹ ਬਾਣੀ ਤੋਂ ਦੂਰ ਚਲਿਆ ਜਾਵੇ, ਸਿੱਖੀ ਤੋਂ ਦੂਰ ਚਲਿਆ ਜਾਵੇ ।
ਪੰਥ ਦੇ ਰਤਨ ਸੰਤ ਕਵੀ ਮਹਾਨ ਵਿਦਵਾਨ ਖੋਜੀ ਗੁਰਮੁਖ ਪਿਆਰੇ ਮਹਾਨ ਲੇਖਕ ਡਾ. ਭਾਈ ਵੀਰ ਸਿੰਘ ਜੀ ਦੇ ਚਰਨਾਂ ‘ਤੇ ਵਾਰ ਵਾਰ ਨਮਸਕਾਰ
-ਮੇਜਰ ਸਿੰਘ
